Touts felibres
Tournan arrise encoèro engoan ?…
Iè dounc, praubo, que boulets hè ?
Mès praco me decherats, auant d’aubri la pachèro, hè respounso aci à cauques paisants que m’an demandat, aqueste estiu, en entene parla dous felibres e de las felibrejados de Luchoun e de Mount-de-Marsan, ço qu’es un felibre, e ço que soun las felibrejados.
Uo felibrejado ?…E bé qu’es uo balocho de felibres. Lou diable bostes felibres e bostos felibrejados ! ça-m dirats. Mès un felibre ? Qu’es aco ?
Escoutats.
Bous aus, qui légissèts l’Armanac cado anado, qu’èts felibres, pramou qu’aimots lou parlà dous bieils, las cansous que cantauon, lous countes que countauon, lous reprouès e las causos biscausos que disèuon, bèt tems a !
Bous aus, qui boulèts biue e mouri sur la terro mairano, à la cabanoto ou au castèt oun biscoun è mouriscoun lous bostes, qu’èts felibres, pramou qu’aouets la crezenço que la terro dous aujols q’es de boun counseil, è que las paréts de terro ou las murraillos de pèiro de la maisoun qu’an goardat caucoumét de l’amno dous pais è de las mais !