Lou bin
– Lou bin, sang de la bit, quan la brégne ei madure,
Que s’espichorre au trounh coum un arriu trebous.
Que hè bouri lourdère en bachèts arrougnous ;
Qu’es cohe, en s’afredia, d’ue bère parure.
– Labets, que hè la sang de l’omi ; qu’apasture
Las bées, lou cerbèt, e que boute gaujous
E batalè lou mei mourmèc, lou mei renous,
Quan debare à chabrot per darrè la garbure.
– Se cai au clot de l’estoumac en un malau
Qui pantache roubit, echugat pou sou mau,
Qu’ou hè rebiscoula coum la sabe à la légne.
– Mé, ço d’esmiraglan, qu’ei de bése à l’auta,
Abachat sou calice un prèste poudé ha
Dat un gourrup de bin la sang de Nouste-Ségne.

C .Laffargue – Monlezun- d’Armagnac ( Gers).

Illustrations : google images