L’arrelodge de Biran.
Biran : image google – la porte tour… avec l’horloge (1)
Lou defunt Moussu Terrail, d’Auch, quan èro encoèro Plaço de la Cathedralo, èro bengut un cop à Biran dab cauques amics , è, en mounta la Gran-Rûo, boutauo sa mountro à l’oro de l’arrelodge dou Clouquè.
Pramou, bous cau sabe que, à Biran, la Gleiso éi en un cap de la Gran-Rûo è…à l’aute cap lou clouquè è un clouquè, si bou plèt, dab un arrelotge, més un arrelodge que marcho pas, au mens desempuch 1900. (1)
E se, cauque cop, las gulhos marcon pas toustem la mêm’oro, qu’éi lou ben de biso que las a hèitos cambia. A Biarritz, ça disèn qu’éi un ome que las hè marcha cado cinq minutos. A Biran, qu’ey lou ben de biso ! (2)
Dounc Moussu Terrail se boutauo sa mountro à l’oro de …Biran. Ero aquiu, plantat en faço dou clouquè, d’auant la maisoun dou Zizi, costo la suo Terrasso, è lou Zizi èro asetut dauant la suo porto .
Justoment, se rencountrauo que l’arrelodge mercauo, per hasard, l’oro justo…à pu prèts.
« Ah, ça dits Moussu Terrail, auèts un famus arrelodge aci, lous de Biran ! A peno s’auanço d’uo minuto…ser lou d’Auch, è dounc ser l’oro de Paris ! Bous en feliciti, per un petit endret coum’aci !
– Oh ! bou-n cau pas estouna, Moussu Terrail, ça dits lou Zizi, pramou que i a au mens trento cinq ans que l’an pas toucat ! »
BIRAN ( GERS) J.LABADENS
(1) Biran, petit village gersois avec sa rue … et tout au bout, l’église [qui ne se voit pas sur cette photographie] – castelnau à rechercher disons à mi-chemin à vol d’oiseau entre Vic Fezensac et Auch, non loin de la nationale 124 !